Amnistia
Un article de Wikipèdia, l'enciclopèdia liura.
L'amnistia (del grèc amnestia, oblit) es lo fach d'escandilhar la responsabilitat penala. Es un acte juridic, normalament emanat del poder legislatiu, pel lo qual un o mantun individus qu'èran estats declarats copables d'un delicte van èsser considerats innocents per la desaparicion del motiu delictuós. A diferéncia de la gràcia, qu'escafa la responsabilitat penala en agir sus la pena derivada d'un delicte (la persona es sempre copabla, mas defugís lo compliment de la pena), l'amnistia agís sul delicte el meteis. Per aquò, l'amnistia a generalament d'efèctes retroactius e escafa tota responsabilitat penala o civila e anulla los antecedents penals. Per aquela rason, es generalament efectiva sus totes los que cometeron lo delicte, e non pas suls individus en particular. L'amnistia supausa un jutjament de valor nòvel sus la convenença de proïbir o de sancionar una conducta. Per aquesta rason, las leis o actes d'amnistia son pus frequents dins de moments de cambiaments socials o de regims politics e, dins d'unas ocasions, s'assòcia al perdon de presonièrs politics. Ça que la, son emplec pòt èsser objècte de polemica, pr'amor que pòt provocar l'impunitat dels que cometeron de faches grèus pendent un regim anterior.
