Ammospermophilus
|
||||||||||||
|---|---|---|---|---|---|---|---|---|---|---|---|---|
 |
||||||||||||
| Ammospermophilus harrisii | ||||||||||||
| Règne | Animal | |||||||||||
| Embrancament | Chordata | |||||||||||
| Classa | Mammalia | |||||||||||
| Sosclassa | Theria | |||||||||||
| Infraclassa | Eutheria | |||||||||||
| Òrdre | Rodentia | |||||||||||
| Sosòrdre : | Sciuromorpha | |||||||||||
| Familha | Sciuridae | |||||||||||
| Sosfamilha : | Sciurinae | |||||||||||
| Ammospermophilus Merriam, 1892 |
||||||||||||
| Sosfamilhas :veire tèxt | ||||||||||||
Percorrètz la zoologia sus Wikipèdia:
|
||||||||||||
L'Amospermofil o esquiròl-antilòp es un pichon rosegaire de la familha dels sciuridae. Sembla estranhament son cosin canadian lo (pichon) soís e tanben als tamias. Viu dins lo sud-oèst dels Estats Units e lo nòrd-oèst de Mexic dins los terrens de desèrt amb una vegetacion rara. Lo genre se repartís segon las espècias seguentas :
- Ammospermophilus harrisii (Audubon e Bachman, 1854) : esquiròl-antilòp d'Harris ;
- Ammospermophilus insularis (Nelson e Goldman, 1909) ;
- Ammospermophilus interpres (Merriam, 1890) : esquiròl-antilòp de Tèxas ;
- Ammospermophilus leucurus (Merriam, 1889) : esquiròl-antilòp de coa ;
- Ammospermophilus nelsoni (Merriam, 1893) : esquiròl-antilòp de San Joaquin.
Aqueles esquiròls mesuran entre 14 e 17 cm de long, sens comptar la coa de 6 a 10 cm. Pesan solament environ un quart de liura.
Deu son nom d'antilòp a sa coa blanca e a son biais de la levar quand avertís sos congenères d'un dangièr imminent.
Lo mantèl de l'esquiròl-antilòp es gris rosenc amb una raia blanca de cada costat del còs. Aquesta raia s'arrèsta abans lo cap. I a doas mudas cada an : lo mantèl d'ivèrn a un sospel pus fin que lo mantèl d'estiu, qu'a una textura mai dura.
La femèla a dètz pepelons.
L'esquiròl-antilòp s'alimenta de grans e d'insèctes. Aqueste rosegaire mena una existéncia principalament solitària. Son d'animals diürnes qu'ivèrnan pas (mas son mens actius pendent l'ivèrn).
Coma d'autres esquiròls, aqueste mamifèr amaga sa noiridura e cava un nis (en tunèl) per i dormir.
