Se ja sètz inscrich(a) sus Commons, passatz a la seccion seguenta, lo formulari.
S'aquò es pas estat fach, d'en primièr, vos cal crear un compte sus Commons ; picatz un pseudonim (de preferéncia lo qu'utilizatz sus Wikipèdia), un senhal e eventualament una adreça de corrièr electronic.
Podètz passar aquela etapa s'avètz creat vòstre compte sus Wikipèdia aprèp lo 23 d'agost de 2008 o s'avètzunificat vòstres comptes.
Per cargar una fòto sul servidor, anatz utilizar aqueste formulari. Legiretz plan las informacions en començament de pagina.
Vos cal seleccionar lo fichièr de mandar e picar lo nom de li balhar sus Commons s'es pas lo meteis. Causissètz un nom clar e representatiu de l'imatge, e daissetz pas lo nom generat per vòstre aparèlh de fòto o vòstre scanner !
Indicatz apuèi precisament la data de l'òbra o de la fòto s'i a pas d'« òbra », e balhatz una descripcion brèva del subjècte.
Lo camp Autorizacion vos concernís sonque se l'imatge ja es estat publicat endacòm mai. Dins aqueste cas, marcatz {{OTRS pending}} dins aquel camp e mandats un corrièl de la forma indicada sus aquela pagina a Modèl:Permission commons.
E enfin, causissètz la licéncia d'utilizacion de l'imatge. Coma indicat, se conselha d'utilizar la licéncia dobla GFDL/CC-BY-SA, qu'autoriza las autras personas a utilizar e modificar l'imatge a condicion de mencionar los autors (resumit rapid). Plan segur, ne podètz causir una autra se volètz.
Tot imatge pel qual manca una de las informacions capitalas serà suprimit (licéncia, autor, origina — los dos darrièrs son preemplenats).
Segonda etapa : emplenatge del formulari e de las informacions - mandadís del fichièr
