Ajuda:Compte d'utilizaire

Un article de Wikipèdia, l'enciclopèdia liura.
(Redirigit dempuèi Ajuda:Compte utilizaire)

Aquesta pagina vos explica çò que s'entend per compte d'utilizaire, sos avantatges, sos inconvenients, lo biais de ne crear un, etc. Vos informarem tanben sus las informacions que son reculhidas, quinas son visiblas e quinas o son pas.

Informacions vos concernissent[modificar | Modificar lo còdi]

Abans d'anar mai luènh, prenètz coneissença del biais de tractar vòstras donadas.
Per aquò, consultatz l'article Informacions rendudas publicas

Vesètz tanben m:privacy policy/Oc per una descripcion completa de la politica sus l'anonimat.

Qu'es un compte d'utilizaire ?[modificar | Modificar lo còdi]

Abans tot, amb un compte d'utilizaire, los autres contributors vos reconeisseràn, que siá dins vòstras contribucions o dins vòstras discussions. Vos reconeisseràn a partir del pseudonim que causiretz en creant vòstre compte. Aquò vos permetrà de crear de ligams amb los autres contributors e atal de far partida d'una comunautat totjorn pus importanta.

Pasmens, un compte d'utilizaire es pas limitat a aquò. Après la creacion de vòstre compte, Wikipèdia se dobrirà e vos donarà accès a divèrsas opcions reservadas als utilizaires enregistrats. Ne vaquí qualques exemples :

  • auretz vòstra pròpria pagina personala ont poiretz vos presentar e metre, per exemple, una fòto. Aquesta pagina, l'organizaretz a vòstra idèa ;
  • en mai de vòstra pagina personala, auretz vòstra pròpria pagina de discussion ont los autres contributors poiràn postar un messatge. Seretz alavetz avertit lèu (quand vos connectaretz a Wikipèdia) qu'un messatge novèl es estat postat.
  • poiretz seguir certans articles e veire se son estats modificats. Es fòrça util per exemple quand creatz un article e desiratz de contrarotlar que cap de vandal o venga pas tot saquejar ;
  • poiretz modificar vòstras preferéncias ;
  • poiretz veire la lista de totas vòstras contribucions a Wikipèdia ;
  • poiretz importar d'imatges, de sons o de vidèos dins Wikipèdia ;
  • vos serà possible de renomenar las paginas dels articles.

Un avantatge suplementari es que vòstra adreça IP apareisserà pas mai : las personas malvolentas auràn pro pena per reconéisser vòstre ordinator.

Cossí crear un compte[modificar | Modificar lo còdi]

Per crear un compte d'utilizaire :

  • clicatz sur le ligam « Crear un compte o se connectar » en naut de la pagina (a drecha) puèi sus Creatz un compte ;
  • emplenatz los dos camps obligatòris del formulari que son lo Nom e lo Senhal ; l'indicacion d'una adreça electronica es facultativa ;
  • validatz l'inscripcion en clicant sul boton « Crear un compte novèl ».

Causida del nom[modificar | Modificar lo còdi]

Podètz utilizar vòstre nom real se o desiratz, mas podètz tanben utilizar un escais. Causissètz convenablament vòstre escais, que lo poiretz pas mai modificar. Un senhal quin que siá se pòt utilizar coma nom d'utilizaire ; çaquelà, avètz de respectar las precaucions seguentas :

  1. es probable qu'un nom insultant seriá pas ben vist per la comunautat e que vos seriá demandat de lo cambiar ;
  2. utilizetz pas lo nom real de qualqu'un mai, e mai siá una celebritat que ne sètz fan : constituiriá una usurpacion d'identitat.
  3. coma la sillaba "bòt" pòt entraïnar una confusion amb los robòts, es preferible de la defugir ;
  4. d'un biais general, los títols que pòdon entraïnar una confusion amb los estatuts dels utilizaires (administrator, arbitre, etc.) son de defugir ;
  5. se conselha de pas causir un nom d'utilizaire semblant una adreça IPv4 (serias de quatre nombres entre 0 e 255) que designa generalament los utilizaires non inscriches. Una tala causida poiriá per exemple engendrar la confusion a l'ocasion d'un vòte ;
  6. es tanben preferible de defugir un nom d'utilizaire reprenent vòstra adreça electronica (coma titi@toto.com), e mai, tanben, se desconselha de far figurar aquesta dins una pagina (per evitar lo spam). Avètz en efièch la possibilitat, via vòstras preferéncias d'utilizaire, de permetre als autres utilizaires enregistrats (e qu'an eles meteisses causit la meteissa opcion), de vos jónher per email via l'interfàcia de Wikipèdia (ligam « Mandar un messatge a aqueste utilizaire » dins lo menut a esquèrra).

Domeni d'utilizacion[modificar | Modificar lo còdi]

Quand creatz un compte sus la Wikipèdia occitanofòna, aqueste es pas aplicable sus las autras Wikipèdias. Devètz doncas crear un compte sus caduna de las Wikipèdias ont desiratz d'èsser enregistrat.

Fichièr:Se connectar a Wikipèdia.jpg
copia d'ecran d'una pagina de Wikipèdia amb una flècha verda indicant ont clicar per dobrir un compte o se connectar


Se connectar al compte[modificar | Modificar lo còdi]

Per vos connectar a vòstre compte, clicatz sul ligam « Crear un compte o se connectar », picatz vòstre escais e mai vòstre senhal e enfin clicatz sus « Identificacion ».

Fichièr:Se connectar a Wikipèdia.jpg
còpia d'ecran d'una pagina de Wikipèdia amb una flècha verda indicant ont clicar per dobrir un compte o se connectar


Preferéncias d'utilizaire[modificar | Modificar lo còdi]

Un utilizaire enregistrat pòt personalizar cèrts aspèctes de Wikipèdia :

  • tèma (skin) utilizat, per cambiar l'aparéncia del sit ;
  • numerotacion dels títols ;
  • possibilitat d'editar las paginas per tròces ;
  • còpia d'imatges sur Wikipèdia ;
  • etc.

Vejatz Ajuda per las preferéncias per una descripcion completa del biais de cambiar vòstras preferéncias.

Se desconnectar[modificar | Modificar lo còdi]

S'utilizatz un ordinator que d'autras personas utilizan, vos podètz desconnectar per defugir que qualqu'un se faga passar per vos. Per aquò, clicatz sus « desconnexion » en naut de la pagina.

Fichièr:Wikipèdia pagina d'utilizaire.jpg
còpia d'ecran d'una pagina de Wikipèdia amb una flècha roja indicant ont clicar per se desconnectar


Que far s'avètz oblidat lo senhal[modificar | Modificar lo còdi]

Clicatz sus « Crear un compte o se connectar » en naut a drecha de la pagina. Sus aquesta pagina, picatz vòstre escais e clicatz sus « Mandatz-me un senhal novèl ». Un senhal novèl vos serà mandat a vòstra adreça email. Aquò significa que s'avètz oblidat d'indicar vòstra adreça email quand avètz creat vòstre compte, serà pas possible d'aver un senhal novèl.

Nòta : es totjorn possible, se sètz encara connectat, de cambiar vòstra adreça email dins las preferéncias d'utilizaire.

Cambiar de nom d'utilizaire[modificar | Modificar lo còdi]

Es possible jos cèrtas condicions. Vejatz : Cambiar de nom d'utilizaire.