Adenosina trifosfat
Un article de Wikipèdia, l'enciclopèdia liura.
L'adenosina trifosfat (abreujada ATP) qu'ei ua molecula bioquimica de grana importància puish qu'ei rica en energia que pòt balhar e tot s'idrolizar en adenosina difosfat (ADP) o en adenosina monofosfat (AMP).
Qu'entra tanben com precursor dens la sintèsi deu NAD+ e deu coenzim A, duas moleculas de la importantas dens lo metabolisme.
[Modificar] Estructura e proprietats
L'adenosina qu'ei un nucleotid trifosfat ; aquò que vòu díser qu'ei compausada d'adenosina (ua molecula d'adenina ligada dab ua ribòsa -la β-D-ribofuranòsa mei precisament- ) e de tres gops fosfat.
La preséncia deus grops fosfat dab los lors ligams d'anidrid d'acid que'n hè ua hont d'energia peus organismes vius. Aquesta energia qu'ei liberada per la reaccion d'idrolisi seguenta (reaccion exergonica qui d'ua variacion d'entalpia libra estandarda de −30,5 kJ/mol) :
ATP + H20 → ADP + Pi
on Pi b'ei un fosfat inorganica (puish qu'ei pas mei inclusa dens cap molecula organica).
Au contre, la sintèsi de l'ATP que's porduseish au cap de la reaccion seguenta :
ADP + Pi → ATP + H20
[Modificar] Resèrvas d'energia
L'ATP qu'ei produsit chic de temps abans d'estar emplegat com hont d'ergia per las reaccions bioquimicas deu metabolisme deus èstes vius. B'ei pas apielat ; totun, que pòt estar produsir a partir deus sucres qui eth e pòden estar apielats devath, per exemple, la forma de glicogèn.
