Adèla de Savòia

Un article de Wikipèdia, l'enciclopèdia liura.
Anar a : navigacion, Recercar

Adèla de Savòia, Alix o Adelaïda de Mauriana (vèrs 1100- 18 de novembre de 1154, a Montmartre), reina de França, es la filha del comte Umbèrt II de Savòia e de Gisèla de Borgonha, aquesta darrièra èra la filha del comte Guilhèm Ièr de Borgonha e la sòrre del papa Calixte II.

Biografia[modificar | modificar la font]

Esposèt en primièras nòças, lo 3 d'agost de 1115 o en març d'aquesta meteissa annada segon las fonts, en la glèisa de Nòstra Dòna de París, lo rei Loís VI lo Gròs, del passat movementat, mas qu'a 35 ans aspira a una vida calma.

Amb Adèla de Savòia, una branca dels Bosonids se fonda dins los Capecians, es una femna reputada laja mas atentiva e piosa. Aguèt sèt filhs e doas filhas :

  1. Felip (1116-1131), de pas confondre amb son fraire del meteis nom, mòrt d'una casuda de caval.
  2. Loís VII lo Jove (1120-1180), rei de França.
  3. Enric (1121-1175), sens aligança ni posteritat, evesque de Beauvais (1149-1161) puèi arquevesque-duc de Rems (1161-1175)
  4. Uc (v. 1123, mòrt jove)
  5. Robèrt Ièr de Dreux (v. 1123-1188), dich Robèrt lo Grand, comte de Dreux (1137-1184), comte de Perche
  6. Pèire Ièr de Courtenay (v. 1125-v. 1182), maridat vèrs 1152 amb Elisabeta de Courtenay (v. 1135-1206), dama de Courtenay
  7. Constança de França (v. 1124-1180), esposèt (1) en 1140 Eustaqui IV (1127-1153), dich Eustaqui de Bles, comte de Bolonha - sens posteritat coneguda  esposèt (2) en 1154 Raimon V (1134-1194), comte de Tolosa
  8. Felip (v. 1132/1133-1161)
  9. una filha mòrta jove, inumada a Sant Victor de París

Robèrt Ièr de Dreux e Pèire Ièr de Courtenay, son las socas de doas importantas linhadas.

Aprèp la mòrt del rei en 1137, faguèt un segond maridatge amb lo conestable Matieu Ièr de Montmorency, n'aguèt una filha.

En 1153, obtenguèt de son marit de se retirar en l'abadiá de Montmartre qu'aviá fondada amb son filh lo rei Loís VII, e i moriguèt lo 18 de novembre de 1154. Son tombèl es en la glèisa de Sant Pèire de Montmartre.

Vejatz tanben[modificar | modificar la font]

Nòtas e referéncias[modificar | modificar la font]


Precedit per Adèla de Savòia Seguit per
Bertrada de
Montfòrt
reina de França
1115-1137
Alienòr d'
Aquitània