Abadiá de Sant Marçau de Limòtges

Un article de Wikipèdia, l'enciclopèdia liura.
Anar a : navigacion, Recercar

L'Abadiá de Sant Marçau es un ancian establiment religiós de la vila de Limòtges, en Lemosin, dins lo departament de Nauta Vinhana. Fuguet fondat en 848 e dissolgut en 1791. Nasquet de la transformacion d'un chapítol de chanonges que velhavan la tomba de Sant Marçau de Limòtges en un establiment benedictin en 848 sos l'òrdre de Loís lo Piós.

A la mòrt de Sant Marçau, sens dobte vers lo començament dau segle IV, los prumiers crestians de Lemòtges lo sebeliguèren dins la necropòli de la vila. Situada a l'exterior daus barris de la ciutat, s'era desvolopada de long de la Via Agrippa Lion-Santas. D'aquí endavant comencet a l'entorn de la tomba dau sant un culte rendut au començament per daus simples preires.

L'Escòla de Sant Marçau[modificar | modificar la font]

L'Abadiá de Sant Marçau de Lemòtges fuguet un important centre de desvolopament de la musica medievala. S'i trascriguèt un recuelh considerable de chant plan, inclusent lo Graduau de Sant Iriès de chant gregorian e de las raras subrevivenças de l'estench chant gallican. Demest de las darrieras sequéncias que i fuguèren compausadas se tròba la Sequéncia Swan (c.850).