2a division SS Das Reich

Un article de Wikipèdia, l'enciclopèdia liura.
Anar a : navigacion, Recercar
Icon falscher Titel.svg

En rason de limitacions tecnicas, la tipografia desirabla del títol, « 2e division SS Das Reich », a pas pogut èsser restituida corrèctament çaisús.

Pagina d'ajuda sus l'omonimia Pels articles omonims, vejatz Das Reich.
Insigna de la 2a SS Panzer Division Das Reich

La 2a division SS Das Reich es una de las 38 divisions de las Waffen-SS pendent la Segonda Guèrra Mondiala.

Icòna de detalh Article detalhat : Waffen-SS.


Istoric[modificar | modificar la font]

Formada en 1939 a partir de tres regiments SS, Deutschland, Der Führer e Germania, foguèt ondrada de 69 Croses de fèrre.

Designacions successivas[modificar | modificar la font]

  • 10 de setembre de 1939 : Panzerverband Ostpreussen
  • 10 d'octobre de 1939 : SS-Verfügungs Division (mot.)
  • 1r d’abril de 1940 : SS-Division Deutschland
  • 21 de decembre de 1940 : SS-Division (mot.) Reich
  • mai de 1942 : SS-Division (mot.) Das Reich
  • 9 de novembre de 1942 : SS-Panzergrenadier Division Das Reich
  • 22 d’octobre de 1943 : 2. SS-Panzer Division Das Reich

SS-Division Verfügungstruppe (1939)[modificar | modificar la font]

Compausada coma seguís :

  • SS-Standarte Deutschland
  • SS-Standarte Germania
  • SS-Standarte Der Führer
  • SS-Nachrichtensturmbann
  • SS-Artillerie-Standarte
  • SS-Aufklärungs-Abteilung
  • SS-Pioniersturmbann

SS-Division Reich (mot.) (1941)[modificar | modificar la font]

Compausada coma seguís :

  • SS-Regiment Der Führer
  • SS-Regiment Deutschland
  • SS-Infanterie-Regiment 11
    • Flak-MG-Batalhon SS-Division Reich
    • Kradschützen-Abteilung SS-Division Reich
    • Artillerie-Regiment SS-Division Reich
    • Aufklärung-Abteilung SS-Division Reich
    • Panzerjäger-Batalhon SS-Division Reich
    • Pionier-Batalhon SS-Division Reich
      • Sturmgeschütz-Batterie SS-Division Reich
    • Nachrichten-Abteilung SS-Division Reich
    • Nachschubtruppen SS-Division Reich

SS-Panzer-Division Das Reich (1943)[modificar | modificar la font]

Compausada coma seguís :

  • SS-Panzer-Regiment 2 Das Reich
  • SS-Panzergrenadier Regiment 3 Deutschland
  • SS-Panzergrenadier-Regiment 4 Der Führer
  • SS-Infanterie-Regiment (mot) Langemarck
  • SS-Panzer-Artillerie Regiment 2
    • SS-Flak-Artillerie-Abteilung 2
    • SS-Sturmgeschütz-Abteilung 2
    • SS-Nebelwerfèrre-Abteilung 2
    • SS-Panzer-Aufklärungs-Abteilung 2
    • SS-Panzerjäger-Abteilung 2
    • SS-Panzer-Pionier-Batalhon 2
    • SS-Panzer-Nachrichten-Abteilung 2
    • SS-Versorgungs-Einheiten 2

2a SS-Panzer-Division Das Reich (1944)[modificar | modificar la font]

Compausada d'environ 19 200 òmes al total :

  • SS-Division-Quartier General : 150 òmes, Heinz Lammerding comandant de la division al mes de junh de 1944.
  • SS-Panzer-Regiment 2 Das Reich  : 2400 òmes.
  • SS-Panzergrenadier-Regiment 3 Deutschland : 3200 òmes.
  • SS-Panzergrenadier-Regiment 4 Der Führer : 3200 òmes. Sylveser Stadler comandant del Regiment. Adolf Diekmann comandant del Modèl:1r Batalhon e Otto Weidinger que venguèt comandant del regiment lo 14 de junh.
  • SS-Panzer-Artillerie Regiment 2 : 2200 òmes .
  • SS-Panzer Jäger Abteilung 2 (Destacament anticarri) : 510 òmes.
  • SS-Aufklärungs Abteilung 2 (Destacament de reconeissença) : 950 òmes : Helmut Kämpfe comandant lo 9 de junh de 1944.
  • SS-Pioneer Abteilung 2 (Destacament de l’engèni) : 1000 òmes.
  • SS-Nachrichten Abteilung 2 (Destacament de transmission) : 510 òmes
  • SS-Flak Abteilung 2 (Destacament de defensa antiaeriana) : 820 òmes
  • SS-Sturmgeschütz Abteilung 2 (Destacament d'assaut) : 350 òmes : Karl Gerlach Officier lo 9 de junh de 1944.
  • SS-Nebelwerfèrre Abteilung 2 (Deastacament fumigèn) : 480 òmes.
  • Autras unitats de sosten : santat, ravitalhament, corrièr, polícia, etc.: 3400 òmes.

Lista dels comandants successius[modificar | modificar la font]

Debuta Fin Grade Nom
19 d’octobre de 1939 14 d’octobre de 1941 Obergruppenführer Paul Hausser
14 d’octobre de 1941 31 de decembre de 1941 Obergruppenführer Wilhelm Bittrich
31 de decembre de 1941 19 d’abril de 1942 Obergruppenführer Matthias Kleinheisterkamp
19 d’abril de 1942 10 de febrièr de 1943 Obergruppenführer Georg Keppler
10 de febrièr de 1943 18 de març de 1943 Brigadeführer Herbert-Ernst Vahl
18 de març de 1943 29 de març de 1943 Oberführer Kurt Brasack
29 de març de 1943 23 d’octobre de 1943 Obergruppenführer Walter Krüger
23 d’octobre de 1943 24 de julhet de 1944 Gruppenführer Heinz Lammerding
24 de julhet de 1944 28 de julhet de 1944 Standartenführer Christian Tychsen
28 de julhet de 1944 23 d’octobre de 1944 Brigadeführer Otto Baum
23 d’octobre de 1944 20 de genièr de 1945 Gruppenführer Heinz Lammerding
20 de genièr de 1945 29 de genièr de1945 Standartenführer Karl Kreutz
26 de genièr de1945 9 de març de 1945 Gruppenführer Werner Ostendorff
9 de març de 1945 13 d’abril de 1945 Standartenführer Rudolf Lehmann
13 d’abril de 1945 8 de mai de 1945 Standartenführer Karl Kreutz

Teatres d'operacion[modificar | modificar la font]

Polonha, Païses basses, França, Serbia, Moscòu, Kharkov, Kursk, Normandia, Ardenas, Budapèst, Viena.

Sul Front de l'Èst, la division Das Reich participa a las operacions d'exterminacion menadas per l'Einsatzgruppe B dins lo sector de Minsk [1]

Percors per Occitània[modificar | modificar la font]

Percors de la 2a SS Panzer Division Das Reich en Occitània als meses de mai e de junh de 1944 (clicar sur l'imatge per l'agrandir)

Situacion de partença[modificar | modificar la font]

La division SS Das Reich patiguèt de gròssas pèrdas en òmes e material pendent la Batalha de Kursk, demòra pus que 2500 òmes. Al mes de decembre de 1943, la transferiguèron dins lo parçan de Montalban a distància dels luòcs previsibles de desbarcament, per las còstas atlantica e provençala. La reconstituisson e l’equipan de nòu segon los estandards d’una Panzerdivision. Mai de 9000 recruas joves (en general de 17 a 18 ans d’edat) son incorporadas[2], dont fòrça Malgrat-nosautres alsacians. La dòtan de carris Panther (Panzer V) e Tiger I (Panzer VI).

La division es alara constituida de 20 batalhons de 900 òmes. Compren 209 blindats pesucs (un desen dels blindats presents en França), 359 blindats leugièrs e 2700 veïculs[3] dont los dos regiments de Panzergrenadier (infantariá motorizada destinada a la proteccion dels carris) Der Fürher e Deutschland.

2 de mai de 1944[modificar | modificar la font]

Lo 2 de mai de 1944, un batalhon de carris s'entraina près de Montpesat de Carcin e de balas son tiradas dins lor direccion. Represalhas contra la populacion civila :

  • a Montpesat de Carcin : pilhatges e incendis d'ostals, cinc personas tuadas e quinze deportadas;
  • a Belfòrt de Carcin : sièis personas arrestadas dont quatre moriguèron en deportacion.

11 e 12 de mai de 1944 : parçan de Fijac[modificar | modificar la font]

La division recep alara l'òrdre d'inspectar las vias ferroviàrias e las rotas en vista d'un movement cap al nòrd.

Lo 11 de mai de 1944, a punt d’alba, Adolf Diekmann comandant lo 1Modèl:R batalhon del regiment Der Führer, quita, amb son unitat, las vilas de Valéncia d'Agen e Moissac. Se dirigisson sus la D653 cap al nòrd-oèst del departament d’Òlt. En camin, dins los vilatges atraversats (Lauzès, Orniac, Blars, Gresas), arrèstan personas que son deportadas. Entre Livernon e Assièr, un acrocatge se produsís entre los SS e los maquisards. A La Tronquièra, craman e pilhan d’ostals. 40 òmes son arrestats demest la populacion, 15 moriguèron en deportacion. 15 òmes son arrestats a Sosçairac. Capturan tanben un resistent, André Peze que moriguèt en seguida de torturas violentas. Los SS se devesisson e investisson a l’encòp mai d’un vilatge carcinòl Cardalhac, Gòrsas, Molièras e cometon pilhatges, arrestacions e deportacions.

Una autra colomna de la division " Das Reich" atenh Lo Borg. Tretze òmes, après violéncias, son arrestats. A 8 oras, a La Capèla Marival, totes los òmes, de 16 a 60 ans, son recampats per la plaça del vilatge. 73 son arrestats e mandats a Caors amb los autres presonièrs. Son embarrats per la nuèch dins las cavas de carbon del licèu Clamenç Maròt. Lo 12 de mai son menats a la casèrna de Montalban que i arriban a 2 oras de l’après-miègjorn. Pendent qualques jorns patisson violéncias, torturas, execucions somàrias. A partir del 21 de mai los oficièrs mandan, a l’azard, d’unes presonièrs en camps de concentracion o al trabalh forçat en Alemanha. Los SS arriban a Terron per i capturar los òmes, mas los abitants prevenguts se son resconduts pels bòsques. Van alara a Sent Seren que 37 personas i son embarradas dins un autobus e menadas e empresonadas a Maurs.


Lo 12 de mai de 1944, los SS encerclan la vila de Fijac. 448 Fijagòls son recampats dins la cort de la gendarmariá o detenguts a l’Ostal Tilh, plaça dels Carmes (ara plaça del 12 de mai de 1944). Recampats amb d’autres presonièrs son mai de 800 personas que son regropadas a la casèrna dels Dragons de Montalban. D’unes son torturats, d’autres fusilhats, 540 son deportats (a Neuengamme e a Dachau), un nombre bèl es tanben mandat al trabalh forçat en Alemanha. Lo meteis jorn, soldats tuan e pilhan pels vilatges de la tombada: Lunan e Sent Fèliç.

21 de mai de 1944 a Fraissinet-lo Gelat[modificar | modificar la font]

Lo 21 de mai de 1944 vèrs 17 oras, doas colomnas venent de Vilafranca del Peiregòrd atravèrsan lo vilatge e s'arrèstan per la rota de Caors. A 18 h 30, una darrièra colomna arribant de Fumèl se planta al còr del borg. Totes los òmes son recampats per la plaça del vilatge, las linhas telefonicas copadas. Tres femnas son penjadas e onze òmes son fusilhats.

Començament del mes de junh de 1944 : Fijac e Issendolús[modificar | modificar la font]

Lo 1èr de junh los resistents sabòtan la via ferrada a Capdenac Gara. En represalhas, los soldats alemands basats a Cailús tuan nòu civils a Limonha de Carcin, Cadrieu e Frontenac.

Lo 3 de junh, lo maquís del Colombièr ataca doas veituras alemandas. Los Alemands fusilhan alara 19 abitants au Cailar comuna de Linac, a Viazac e a Banhac de Cele.

Lo 8 de junh abaton un vièlh Issendolús, puèi parton al mas de Gabaude o plan volontaris s’èron recampats dins las granjas après l’anonci del desbarcament de Normandia. 44 personas son chapladas, 70 son deportadas.

Desplaçament cap al Front[modificar | modificar la font]

La division "Das Reich" s’encamina cap al front de Normandia, es ralentida per la Resisténcia a Bretenós e Cressensac. Lo 9 de junh de 1944 cometon lo chaple de Tula : 99 penjats e 149 deportats. Estaciona dins lo parçan de Limòtges per tal de redusir lo maquís. Pasmens, lo 8 de junh de ser, la division recep l’òrdre de montar en Normandia tan lèu coma possible [4].

En fin de matinada del 10 de junh, Adolf Diekmann e sos òmes chaplan la populacion e detruisson lo vilatge d'Orador de Glana : 642 victimas.

La batalha de Normandia[modificar | modificar la font]

Replec cap a Alemanha[modificar | modificar la font]

D’unes SS de la "Das Reich" se rendèron copables del chaple de 18 personas a Tourouvre (Orne) e de l'incendi d'una part de la vila, lo 13 d’agost de 1944, après la batalha de Normandia.

Nòtas[modificar | modificar la font]

<referéncias />

Articles connèxes[modificar | modificar la font]

Ligams extèrnes[modificar | modificar la font]

Nòtas e referéncias[modificar | modificar la font]

  1. Guido Knopp, Los SS, un avertiment de l'istòria, Presses de la Cité, París, 2006, p. 296
  2. (en) Normandy and Falaise - April to August 1944
  3. Dorsièr laureat del concors de la Resisténcia d'Anne Salvagniac e Anaïs Baldy.
  4. Penaud Guy, La "Das Reich", La Lausa, 2005, 558 p.

Modèl:Portal istòria militara