Íngrid Betancourt

Un article de Wikipèdia, l'enciclopèdia liura.

Íngrid Betancourt (Bogotà, 25 de decembre de 1956) es una femna politica colombiana e francesa, èx-senatritz e activista anticorrupcion. Betancourt venguèt mondialament famosa a la seguida del seu long sequèstre per la guerrilha de las FARC que la retenguèron entre lo 23 de febrièr de 2002 e lo 2 de julhet de 2008, quand foguèt desliurada per l'armada colombiana amb 14 autres ostatges. Lo seu sequèstre comencèt pendent la campanha per las eleccions presidencialas de 2002 que se i presentava coma candidata pel partit verd. Malgrat las recomandacions del govèrn, Íngrid volguèt far campanha en una zona de granda activitat guerrilhièra. L'informacion del seu sequèstre de 2321 jorns foguèt largament difusada dins lo mond entièr, en part a causa de sa nacionalitat francesa.