Émile Eudes

Un article de Wikipèdia, l'enciclopèdia liura.
Anar a : navigacion, Recercar

Émile Eudes (1843, Roncey - 1888, París) foguèt una personalitat de la Comuna de París.

Partisan de Blanqui, foguèt condamnat a mòrt pendent lo sètge de París per l'ataca de la casèrna de pompiers de la Vilette. Foguèt sauvat per la desfacha de Sedan e la proclamacion de la Republica. Venguèt capitani dau 138en batalhon de la Gàrdia Nacionala e participèt a l'insurreccion dau 31 d'octòbre de 1870. Lo 18 de març de 1871, prenguèt l'Hôtel-de-Ville ambé lei gàrdias nacionaus de Belleville. Lo 26, foguèt elegit membre de la Comuna e nomat dins la Comission executiva[1]. Lo 3, foguèt un generau comandant leis unitats dau centre de la sortida catastrofica dei Federats. Combateguèt a l'entorn de Meudon e capitèt de se resplegar vèrs lo fòrt d'Issy[2]. Puei, venguèt comandant dei fòrts sud de París. Enfin, participèt a la Setmana Saunosa.

Après la Comuna, s'exilièt en Soïssa puei a Londres. Condamnat a mòrt per lo tresen conseu de guèrra (aost de 1872), tornèt en França en 1880 e collaborèt amb Édouard Vaillant ai jornaus Ni Dieu ni Maître e L'Homme Libre.

Nòtas e referéncias[modificar | modificar la font]

  1. Gaston Da Costa, Mémoires d'un Communard : la Commune vécue, Edicions Larousse (2009), p. 132.
  2. Prosper-Olivier Lissagaray, Histoire de la Commune de 1871, Edicions La Découverte & Syros (2000), p. 187.