Álvaro Mutis

Un article de Wikipèdia, l'enciclopèdia liura.
Anar a : navigacion, Recercar

Álvaro Mutis Jaramillo (Bogotà, 25 d'agost de 1923Ciutat de Mexic, 22 de setembre de 2013) foguèt un escrivan e poèta colombian, considerat coma un dels autors latinoamericans màgers de la literatura en espanhòl del sègle XX. Long de sa carrièra literària recebèt, entre d'autres, lo Prèmi Xavier Villaurrutia en 1988, lo Prèmi Princi d'Astúrias de las Letras en 1997, lo Prèmi Reina Sofia de Poesía Iberoamericana aquel meteis an, lo Prèmi Cervantes en 2001 e lo Prèmi Internacional Neustadt de Literatura en 2002.

Biografia[modificar | modificar la font]

Álvaro Mutis nasquèt en 1923 dins la capitala colombiana, Bogotà, dins una familha de notables del país. Son paire, Santiago Mutis Dávila, èra un diplomata colombian, e sa maire, Carolina Jaramillo, veniá d'una familha de rics proprietaris rurals. Quand aviá pas que dos ans, la familha s'installèt a Brussèlas aprèp que son paire aguèsse obtengut una mutacion a l'ambaissada de Colómbia en Belgica. Passèt una part considerabla de son enfància dins aquel país, e estudièt a l'escòla jesuista de Saint-Michel, fins a la mòrt del paire en 1932. Tornèt alara dins son país d'origina e visquèt amb la maire e son fraire pichon, Leopoldo, dins un mas, la hacienda Coello, un domeni agricòla vast ont s'i cultivava cafè e cana de sucre. Durant sos estudis a Bogotà aguèt coma professor de literatura lo poèta Eduardo Carranza.

Abandonèt los estudis quand faguèt 18 ans, en 1941, e se maridèt aquel meteis an amb Mireya Durán Solano. Aguèron tres enfants amassa: María Cristina, Santiago e Jorge Manuel. Tre 1942 comencèt a trabalhar coma jornalista a la ràdio Nuevo Mundo, ont i remplacèt l'escrivan e jornalista Eduardo Zalamea Borda. Puèi càmbia sovent de luòc de trabalh e faguèt las relacions publicas de divèrsas companhiá coma Esso, Standard Oil, Panamerican e mai Columbia Pictures. En 1948 publicquèt son primièr volum de poesía La Balanza, escrich amassa amb Carlos Patiño.

En 1953 editèt Los elementos del desastre, un poemari ont apareguèt pel primièr còp son personatge emblematic, Maqroll. L'an seguent tot bèl just aprèp de divorciar de sa primièra esposa se tornèt maridar. Aguèt un autre enfant amb sa segonda femna, la chilena María Luz Montané, una filha: María Teresa.

Moriguèt a l'edat de 90 ans, lo 22 de setembre de 2013, a Ciutat de Mexic per encausa d'una malautiá respiratòria.

Òbras[modificar | modificar la font]

Poesia[modificar | modificar la font]

  • La Balanza (1948)
  • Los elementos del desastre (1953)
  • Reseñas de los hospitales de Ultramar (1955)
  • Los trabajos perdidos (1965)
  • Summa de Maqroll el Gaviero (1973)
  • Caravansary (1981)
  • Los emisarios (1984)
  • Crónica regia y alabanza del reino (1985)
  • Un homenaje y siete nocturnos (1986)

Narracions[modificar | modificar la font]

  • Diario de Lecumberri (1960)
  • La mansión de Araucaíma (1973)
  • La verdadera historia del flautista de Hammelin (1982)
  • La nieve del Almirante (1986)
  • Ilona llega con la lluvia (1988)
  • Un bel morir (1989)
  • La última escala del Tramp Steamer (1989)
  • La muerte del estratega (1990)
  • Amirbar (1990)
  • Abdul Bashur, soñador de navíos (1991)
  • Tríptico de mar y tierra (1993)

Ensages[modificar | modificar la font]

  • Contextos para Maqroll (1997)
  • De lecturas y algo del mundo (1999)
  • Caminos y encuentros de Maqroll el Gaviero (2001)

Antologia[modificar | modificar la font]

  • Poesía y prosa (1982)
  • Antología poética
  • Summa de Maqroll el Gaviero. Poesía 1948-1988 (1992)
  • Poesía completa (1993)
  • Summa de Maqroll el Gaviero. Poesía 1948-1997 (1997)
  • Antología (2000)
  • Empresas y tribulaciones de Maqroll el Gaviero (1993) (2 volums)
  • La voz de Álvaro Mutis (2001)