Álvaro Gil-Robles

Álvaro Gil-Robles Gil-Delgado (Lisbona, 9 de setembre de 1944), fiu de José María Gil-Robles Quiñones e de Carmen Gil-Delgado Armada, es un jurista, activista dei Drechs de l'Òme, ensenhaire e òme politic espanhòu.

Biografia

Es doctor en Drech, professor titular de Drech Administratiu de l'Universitat Complutense de Madrid, avocat vèrs lo Tribunau Constitucionau d'Espanha (de 1980 a 1983), president de la Comission Espanhòla d'Ajuda ai Refugiats (CEAR) (1998), president dau Forum per l'Integracion Sociala deis Immigrats (1995-1999).

En 1981, participèt a la redaccion dau projècte de lei relativa ai competéncias de l'ombudsman espanhòu qu'aurà endavant lo nom de « defensor dau pòble ».

Foguèt elegit lo premier Comissari ai Drechs de l'Òme dau Conseu d'Euròpa, pòst qu'exerciguèt dau 15 d'octòbre de 1999 au 31 de març de 2006 e foguèt succedit per lo suedés Thomas Hammarberg. Li son deguts fòrça rapòrts, entre autres, aquelei de 2001 e de 2005 sus la situacion dei Drechs de l'Òme dins la Comunautat Autonòma Basca.

Ligams extèrnes

• "Rapòrt dau senhor Álvaro Gil-Robles, Comissari ai Drechs de l'Òme, sus son viatge en Espanha e en particular dins lo País Basc (5-8 de febrier de 2001) per lo Comitat de Ministres e l'Assemblada Parlamentària". Version originala en francés ; traduccion en espanhòu